أحمد هاني

فكرة الزهد في الحياة

0 98

فِكرة إننا في يوم من الأيام هنسيب الدنيا ونرحل
مخلي عندي زُهد كبير
حتي لو حبيت أتعلق بحاجه وهبقي بموت فيها بفتكر دايماً إن الحاجه دي هحبها لفترة أد إيه يعني 30 سنة 50 سنة 100 سنة؟ زي فكرة إنك تقعد في مكان حلو أوي حتي لو كان ملك ليك ولكن في النهاية بتكتشف إن المكان دا هتسيبه في يوم من الأيام
قيس بقي الكلام دا علي حياتك علي أحلامك وطموحاتك علي حاجات نفسك فيها أوي وعلي أماكن جميله مش متخيل إن في يوم من الأيام هتسيبها أو علي جواز وخطوبات.
ولكن أقدر أقول ولو حتي الفترة دي قصيرة حاول تستمتع بيها قدر الإمكان
والنصيحة الوحيدة المُخلده اللي أقدر أنصح بيها نفسي والناس
ماتحاولش تعلق نفسك بحاجه جامد أو تحبها لأقصي درجة عندك لأن هيجي يوم والحاجة اللي إنت بتموت فيها دي مش هتلاقيها قدامك وهتحزن كتير لضياعها لذلك عيش حياتك ببساطة ومتعلقش نفسك بأي حاجه أياً كانت الحاجه دي لأن هيجي يوم وهتلاقي نفسك وحيد وكأن دي قاعدة الحياة لو اتعلقت بشيء لأقصي درجة هيروح مِنك.

تعليقات
Loading...