أحمد هاني

جبر الخواطر

189
جبر الخواطر ❤😍
عايز أتكلم معاكم في موضوع مُهم جداً
جبر الخواطر دي طاعة كبيرة أوي وأعتقد دي أفضل حاجه
ممكن نقدمها لبعض!
يقول الإمام سفيان الثوري: “ما رأيت عبادة يتقرب بها العبد إلى ربه مثل جبر خاطر أخيه المسلم”.
مش لازم نكسر بخاطر بعض ممكن تقدم لأخوك كلمة طيبة تجبر بيها خاطره
حتي ولو كان الإنسان اللي قدامك دا إنت متعرفهوش إنت ممكن بكلمة تقولهاله تكون سبب في تغيير حياته أو نفسيته اللي ممكن تكون ساءت بسبب ناس قلوبها ماتعرفش غير كسر الخاطر 💔
دلوقتي ممكن تبص حواليك وتلاقي وجوه كتير حزينه
السبب وبنسبة كبيرة هتلاقي إن قلوبهم مكسورة
بسبب كلمة إتقالت سببت ليه حُزن أو إنسان كان متعشم في كلمة طيبة
أو كلمة تنصفه وفي الأخر لقي العكس
كلنا محتاجين الشخص اللي يضيف لحياتنا نسمة طيبة وكلمة يجبر بيها خاطرنا،
جبر الخواطر من أعظم الحاجات اللي ربنا خلقها واللي ممكن تعدل مزاجك ونفسيتك وممكن برضوا تتعبك لفترة طويلة جداً لو اللي قدامك قالك كلمة تزعلك.
أنا مؤمن إننا كلنا نقدر نعمل الطاعة الجميلة دي اللي ربنا أمرنا بيها مافيش حد فينا معندوش قلب بس ممكن يكون موقف زعلك في وقت ما جعل منك شخص غاضب علي كل حاجه حواليه ،
أقدر أقول للناس اللي بالشكل دا ربنا هيهونها عليك إنت بس إرجع لربنا وإعرف إن ربنا كبير أوي وقادر يعدل حياتنا للاحسن فمتيأسش من رحمته وعامل الناس بخلق حسن لأن الأخلاق والمعاملة الحسنة هي اللي هتفضل في ميزان حسناتك لأخر العمر.
ربنا يجعل قلوبنا حنينة علي الغير مابتشوفش غير الكويس وماتعرفش تنطق غير اللي يرضي ربنا. <3

اترك رد

لن يتم نشر عنوان بريدك الإلكتروني.